Жаңалықтар

20 қыркүйек 2017
Нұрсұлтан Назарбаев Алматы қаласының Наурызбай ауданындағы емхананы аралап көрді
Алматы қаласы

Мемлекет басшысы жұмыс сапары барысында Наурызбай ауданындағы «Туған жер» бағдарламасы аясында салынған жаңа емханада болды.

Қазақстан Президентіне бұл емханада алғашқы медициналық көмек көрсетуден бөлек, асқазанның қатерлі ісігін алдын-ала анықтау мақсатымен скринингтік зерттеулер жүргізу жоспарланып отырғаны баяндалды. Сондай-ақ, мұнда рентген диагностикасы бөлімшесі, офтальмолог, оториноларинголог, торакальді және абдоминалды колопроктология кабинеттері ашылған, тағы басқа бөлмелер жабдықталған.  

Емханада азаматтарды электрондық тіркеу орны, Call-орталық бар. Онда Наурызбай ауданының тұрғындарына шұғыл көмек көрсететін жедел жәрдем бригадасы орналасқан.

Елбасыға жуық арада «Қалқаман» шағын ауданында тағы бір медициналық мекеменің ашылатыны және «Тау самалы» шағын ауданында да емхананың құрылысы басталатыны жөнінде мәлімделді.


Барлық жаңалықтар
 
Басқа нысандарда болу
Өзге іс-шараларға қатысу